السلام عليكم ورحمة الله وبركاته
اترككم مع هذه الابيات واتمنى ترقا لشي من ذائقتكم
الله مـن دمـعٍ بعينـي يـمـوَه
نوٍَتعلَـق فـي مناشـي هدبهـا
لافايضٍ سيلـه وماجـفَ تـوَه
والعين عن صفو المناظر حجبهـا
والفكر باوهام العمر عاش جـوَه
هاذي يصدَرها وهـاذي ندبهـا
والقلب همَه همَ حضـرة سمـوَه
هو علَة العيـن الحزينـة سببهـا
لو شال همَي نايـفٍ فـي علـوَه
ينحـطَ والقمَـة بهمَـي قلبهـا
ولو شاله البركان بالنَـار فـوَه
نيـران يـزداد ابلهبهـا لهبهـا
ولو شال همَي عاقلٍ بـه مـروَه
ينجنَ ورجله فالشوارع شعبهـا
ولو شاله اللي بالفصاحة مفـوَه
تأتأ ولا كنَه من افصـح عربهـا
ولو شاله المفتول زنـده فتـوَه
يضعف وتنبان الضلوع ابحدبهـا
ليلي تجهَم بالشقا ضـاع ضـوَه
ماغير اطالـع شمعتـي وارتقبهـا
في صومعة هاجوس فكري متـوَه
تايه وجانـح والعـرب محتربهـا
كنَي وحيد البيـد ويجـرَ عـوَه
روحه في راس الرجم تصرخ تعبها
رحَال من جمعٍ طغا فيـه سـوَه
صد وتهاتيـت الخرايـم ضربهـا
يشهر كما القرناس في وسط جوَه
واليا رأى الصيدة بضربه عطبهـا
أما ممـاتٍ بـه يعانـي عـدوَه
أو هي حياةٍ عز نفسـه طربهـا
يقول شيٍَ شايفـة خيـر سـوَه
واحفظ حقوق النفس وألزم أدبها
صعوط المجانين