كم بكيت عيني وكم طال السهر

يـوم قلــــتي نـاوييناً بالســــفر
هـل دمعي وخنقتني عبــــرتي

جيت أكــف الدمـــع لكنه حـدر
وأنحرمت بدنيتي من فـرحتي

كم بكت عيني وكم طال السهر
كم وكم لاســرت زلت خطوتي

ذابياً في حب مجـــدول الشـعر
ويل قلــــبي من يـداوي عـلتي

من ركب وأقفى وأنا له منتظر
سـلهم بعينه وأنـا في وقفــتي

يا شبيه البدر في نصف الشهر
يا مـلاك البــيض قربك جنــتي

لامن البحرين لاهومن قطــــر
في ضحــايانجدمـــرتع مهرتي

ساقني حبه على الدرب العسر
اكتم الاحزان وامســح دمعتي

لامشى الارداف تشــعربالخطر
مـــاقـدرت اغـظ عنها نظــرتي

يا عنود الصيد لا تنوي الهجـر
لاتـزود يا مـــرادي لـو عـــتي

عـل يجمعنا مع الــريم القـــدر
يا ولي الكون حقق دعـــــوتي

صح السانك و مشكور و يعطيك الف الف عافيه

صح بدنك والعفو والله يعافيك ومشكور على المرور

صح بدنج والله يعافيج ومشكوره على المرور